1. Jo, lefifi le lekaang,
Le aparetseng lefatshe!
Jo, botsho bo hlomodisang!
Le tla chaba neng letsatsi?
2. Naledi e ntle ya meso,
Hlaha, khaola lefifi!
Re lebeletse ka tshepo
Ho ela ha mechaedi.
3. Oho, tsatsi la ho loka,
Ke nako, thuntsha mafube;
Chaba fatsheng la Afrika,
Fatshe la bomadimabe!
4. Hasa, hasa phatlalatsa
Sedi la hao le molemo;
Phatsima, benya, phaphama,
Tsatsi le letle la Ntate!
5. Fedisa riti tse dihlong,
Mekhwa, bosoro le madi;
Ho lokolloe ba ditlamong,
Baatho ba khotsheng maswabi!
6. diphahama di nyakalle
Ke wena, Moathameleng;
Le dikhohlo di binele
Lesedi le di fihletseng!
7. Aparela ngalo tsohle
Ka khanya le ka mohau;
Kahohle ho utlwahale
Thoko tsa 'Moloki Jesu.