- A ke wena yo o tlang,
kampo a go tla o sele?
Tshupo tse ke tsa ga mang,
tse di boleletsweng pele
ke bakwadi Beibeleng?
Ke tsa Kriste lefatsheng! -
Bona ba ba sa boneng,
Jesu o ba bonisitse,
le digole mo mmeleng
Jesu o di fodisitse.
Bona ba ba mo dibeng
o ba ntshitse molatong. -
Bona ba ba sa utlweng
ba ka utlwa, ba dumela.
Bona ba ba sa bueng
ba ka bua, ba opela.
Mme le ba ba mo losong
ba boela bophelong. -
Le badidi mo moweng
ba rerelwa Efangele.
Ena yo o sa kgotšweng
ke Morena, Mogolodi,
ke yo ‘ tshegofadiwang,
ka e le yo ‘ dumelang. -
Jesu, Montshi molatong,
o Moruti yo ‘ molemo.
Ngaka mo dipobolong,
o nkalafe ka Lefoko.
Yo o go atamelang
o tla tshegofala jang! -
Ke go utlwa Beibeleng,
kea dumela, go tlhomame
tsotlhe tse di kwadilweng
ka ga gago, Jesu wa me.
O ntshwatotse mo dibeng,
ka o tsile lefatsheng.