Tsatsi le leholo

6.5.6.5.D.

1 Tsatsi le leholo- Ke la phomolo;
Ho thajoa ke batho- Tlung ea thapelo.
Hlomphang tsatsi lena- Batlang Morena;
Phuthehang kaofela-Bitsang ho eena

2 Kajeno lichaba- lia rutuoa;
Taba tsa ho phela – lia boleloa
Kajeno, le rona – Re tla mamela
Lentsoe la Marena – Le tsoang ho eena

3 Litaba tsa Jesu – Ke tsa molemo;
Li hloekisa pelo – Ka bokhalemo;
Litaba tsa Jesu – Lia phelisa;
Ha li tlala pelo,- lia tšelisa

4 Lentsoe la Monghali, – Ba le rorisang
Ba re, ke sehlare – Se ba pholosang;
Polelo tsa Jesu – Li ka bohobe;
Le bo jeng, baheso, – Le tle le khore.

5 Re bokeng Jehova, – Moren'a heso;
Re bokeng le eena – 'Moloki Jesu;
Ho boke le oona – Moea o motle;
Binang alleluia, – Lebohang,bohle!