Loading...
7.7.7.7.
1. O, o motle hakaakang,
Khanyeng ya lehodimo,
Har'a ba halalelang,
Monghadi ya molemo!
2. Thoko tsee ba di binang
Di ntlhomodisa pelo;
Ba re: ya halalelang
Ke wena, wena, Jesu.
3. Ba dihlong le tshabo ke'ng,
Ha e le bakhethehi?
Ba ikhurumetsa ke'ng
Pel'a Jesu 'Moloki?
4. Ha thoko tsa Morena
Di le thata hakale,
Na di ke ke tsa nthona,
Tsa ntshita, 'na, modibe?
5. Leha ke le lefela,
Jesu, monghadi wa me,
Kena dula ka ho 'na;
ke ya kopa, o se nkhese!
6. Ntlhatswe pelo, mphekole;
Khofa bobe, lefifi!
Le 'na ke be tempele,
Ntlo ya hao e lesedi.
7. Jesu, o dule ka teng,
Mpuse pelo le 'mele;
Hloeko o e apereng,
E khabise kahohle!
