Na ke tla bolokeha jwang

1. Na ke tla bolokeha jwang
Mahlomoleng a makaakale?
Jo, ke sekhohola
Sa maswabi fela!
Ke hatsetse pelo, ke shwele.
Ke etse jwang, ke etse jwang?
Jo, ke tla bolokeha jwang?

2. Mona see ke se kotutseng
Ke mokhathala, ke teneho.
Menyaka, metswalle,
Tsohle di ntahlile,
Ke lecheko har'a dithako.
Ke etse jwang, ke etse jwang?
Jo, ke tla bolokeha jwang?

3. Bocha le 'na bo ntahlile,
Kaa tshwaswa le ke tsa boholo;
Jo, ke ne ke lora,
Ka fupara moya,
Ke setse le tlala le lefu,
Ke etse jwang, ke etse jwang?
Jo, ke tla bolokeha jwang?

4. Ha ke le tjee, ke le fela,
Ke se ke shebana le lefu,
tshepo ya hlokeha,
Lefatshe le ya ntsheha,
Ke oetswe ke fifi le letsho.
Ke etse jwang, ke etse jwang?
Jo, ke tla bolokeha jwang?

5. O Jesu, ke batla wena,
tlo o fodise pelo ya ka!
U mpusetse khotso,
Lesedi le tshepo:
Ke saletswe ke wena fela.
Ke etse jwang, ke etse jwang?
Jo, ke tla bolokeha jwang?