Menu Close

Moya wa ka, o rorise

Ratings:
1 Star2 Stars3 Stars4 Stars5 Stars (No Ratings Yet)
Loading...

11.11.10.D

1 moya wa ka, o rorise Modimo
Ka dipina tse batlang lehodimo,
Bitso lena le bokoe ka mehla;
U lebohe paballo ya Morena,
Ka lerato lohle le ka ho wena;
Tsoha jwale, o boka ka matla.

2 dibe tsa hao di hlakolwa ke eena,
Wa o tlisa ha lefu le o kena.
U se phake wa wela lebitleng.
Ha o lapa, ahlamisa molomo,
U futiswe monate le molemo,
Bocha ba hao e be bo sa feleng.

3 pelo ya hae ke peloe telele,
E mosa, e sa halefeng kapele;
O khutsisa lentswe le rohakang
Dibe tsa hao, tse tshwanelwang ke kotlo;
O sa ntse a o biletsa letlotlo;
Na mohau ona o mokaakang!

4 o phahame jwale ka lehodimo!
Isa mahlo ka 'nga ya bochabela,
Bo lekanye le bophirimela;
Dibe tsa hao, ha di nkwa ke Morena,
Di lahlelwa hole jwalo le wena,
Di timetswa ke ya o emelang.

5 Ho jwale ka motho ha a hauhela
Bana ba hae, leha ba mo sitelwa;
O tsebile hoba re lerole;
Re dimela tse phakang ho palesa;
Tse felang hang ha moya o di chesa,
Molora o fefolelwang hole.

6 Se sa feleng ke mosa wa Morena;
Ba mo tshabang ba pholoswa ke eena
Ha ba etsa see a se laelang;
O tla rata ditloholo tsa rona,
Ha re tlosa pel'a mahlo a tsona
Dibe tsohle le mekhwa e senyang.

Leave a Reply

Moya wa ka, o rorise