Menu Close

Jehova, Modimo wa Iseraele

Ratings:
1 Star2 Stars3 Stars4 Stars5 Stars (4 rating, 1 votes)
Loading...

2.12.13.13

1 Jehova, Modimo wa iseraele,
U re faladitse lefifing la pele;
Re thaba hakaang ha re o khumamela;
Kajeno re batho, re tseba ho rapela.

2 Maoto a khotso, a tswang ho monghadi,
A tlile Lesotho, lefatsheng la madi,
A re a sa hlaha, Satan'a thothomela,
Mokhosi wa khutsa, dira tsa re bakela.

3 Mahaheng a matsho, thakong tsa ledimo,
Ho binwa sefela se bokang Modimo;
Naha ya nyakalla, e khabile ka metse,
Nala e hlahile bakeng sa ditsietsi.

4 Ba neng qhalana ba bowela ha habo,
Ba diqhobosheyane ba ba nka ka thabo;
Leqheku le akwa ke tloholo tsa lona,
Di tla di hodile; ho bokoe Mong'a bona!

5 E, dipoko tsohle di hlabe hodimo
Ho wena, Jehova ,Morena Modimo!
Re sechaba sa hao , se ratiloeng ke Jesu;
Tiisa 'muso wa hao fatsheng lena la heso.

Leave a Reply

Jehova, Modimo wa Iseraele