1 Jo, ho phela ha rona ke'ng?
Bokhabane, matla,
Ke toro e re hapileng
Ke mohodifela
2 Bochaba, ditaba, merero,
Bosea, boqheku,
Lefu ha le setse letho,
Lefu le sehloho
3 Leha re ka itshwarella
Ka tse ngata-ngata
Lefu le ya re khohola,
re ya kukwa, re ya feta.
4 Leha re ka qea-qea
Lefu le bohale!
Dintho tsohle dia re siea,
Re siiswa tsohle
5 Empa, tshenyehong e kalo,
Wena, o sa sala,
Wena, Moren'a bophelo,
Fika la ka mehla.
6 Ho rona o setshabelo
Sa ka mehla eohle;
Ha re na ho tshoha letho
Ha re o tshepile
7 Oho! o re hlalefise,
Re tele tse felang;
Morena, o re ruise
Dintho tse hlolehang.
8 Ha re fihliswa lebopong
La noka ya lefu
U re nkele lehodimong,
Lefatsheng la heso!