Loading...
1 Helang, chaba tsa lefatshe,
Puo tsohle le mefuta,
Bonang moren'a marena,
Rapelang eena a 'notshi.
2 Le itlhahiseng ho eena,
Mo sebeletseng ka thabo;
Ka dipina tsa nyakallo
Le mo roriseng le lona.
3 Le tsebe hoba Jehova
Ke eena fela modimo;
Ke eena 'mopi wa rona
Le modisa ya molemo.
4 Ke morena ya re busang,
Ha a tsieloe ke letho;
Re mohlape o aloswang
Ka paballo, ka lerato.
5 Kenang ke hona tempeleng,
Le mo hlabele dithoko;
Ka dipelo tse thabileng
Mo hlahisetseng teboho.
6 Tswelang Jehova dipelo,
Ka mantswe a phahamileng;
O molemo, o mohau,
Le 'nete ka ho sa feleng.
