Loading...
1 Xana u wu kumile
Moya wa matimba?
Hosi Yesu u ta ku
Ku nyika namuntlha,
Loko u pfumela,
Pfalula wu ta xikela
Moya wu ta xikela
Ehenhla ka wena.
Tana ke,Moya,
Nisa timpfula,
Hi tatise sweswi,
Hi tsakamise;
Moya wa ntiyiso,
Dyondzisa swa Kriste
Hi lava ku tiva
Swa Hosi Yesu.
2 Hi siku ra Pentekosta
A va hlangene,
Hi mbilu yi ri yin'we
Eku khongeleni
Hi nomu lo a wu
Twakala mpfumawulo,
Wu hume etilweni
Wa nge xihuhuri.
3 Ni va le Kezaria,
Ni va le Efesa,
Loko a va hundzuka
Va khongela Hosi,
Moya wa matimba
A wu va funengeta,
Hi tin'wana tindzimi
Va dzunisa Hosi.
4 Xana wa navela
Ku kuma mikateko
E moyen' ne ku hanyen'
Ka wena namutlha?
Tisa mbita ya wena
Le'yi hlantswiweke,
U ta tatisiwa hi
Matimba ya Moya.
5 Xana wa lava mati
La'ma pfelelaka,
Milambu ya mati
Ya vutomi bya tilo?
U ta tsaka ngopfu,
U tsakile van'wana ,
Vona va ta navela
Vutomi bya Yesu.
6 Wa lava namunthla
Matimba ya vunhenha?
Wa lava ku va mboni
Ya Yesu misaven'?
Loko u wu kumile
Moya wa le henhla
U ta kota ku yisa
Evangeli vanhwin'.
7 U ta amukela
Swirhangana swa Moya,
Ndzaka ya wena le'yo
Saseka ya tilo;
Kombela nyiko ya
Moya lo'wo kwetsima,
Kutani xi ta hlamula,
Xona Xikwembu.
8 A ku swi twi sweswi
Ku dsindza ka matilo?
Mapapa ya hlangana,
Timpfula ti ta ta!
Hi ta tsaka, hi rhula
Hi pfuka, hi tirha,
Hikuva hi ta
Funengitiwa hi Moya.