Hi le Mahlweni ka Wena

1 Hi le mahlwen' ka wena,
Tatana wa hina;
Hi kombela tintswalo,
Hi ko ku khongela.
Hi swi twile swirilo
Swa la'va lovaka,
Ha khongelela vona,
Hosi va hanyise.

2 Matiko la'yo tala
Ma le munyameni,
Va ha ri le ndleleni
Ya khombo ni rifu.
Ya twele vusiwana,
Va nyikeni Rito,
Susa munyama wa vo,
Hi ku vonakala.

3 Rhumela vadyondzisi,
U va nyika ntamu,
Va ta va byela vanhu
Timhaka ta wena.
Fambisa Evangeli
Misaven' hinkwayo,
Byisa vatsendzeleki
Endyangweni wa ku.

4 Hatlisisa mikarhi
Le' ya ku saseka,
Loko vanhu hinkwavo
Va tiva ta wena;
Va amukela Hosi
Muendli wa vona,
Va rhandza Yesu Kriste
Muferi wa vona.