Menu Close
1 Star2 Stars3 Stars4 Stars5 Stars (No Ratings Yet)
Loading...

Pfukani n'wina Vapfumeri

1 Pfukani ke sweswi n'wina vapfumeri
La'va nga tinhlengeletano ta Hosi,
Moya 'wo kwetsima wu tile ka hina,
Ku hi katekisa.

Kunen' wu misaven', wu hume
etliwe',
Ku ta hi kombisisa swivi swa hina
Wa hi basisisa ni ku hi dyondzisa
Marito ya Yesu.

2 Vanhu,yingisani,O vitana n'wina,
Leswaku mi suka mi n'wi
nkhinsamela,
Mi kombela Yesu ku rhumela wona,
Wu ta mi tiyisa.

3 A he! wu tile la xikarhi ka hina,
Ku hi hlulela nala yena Satana,
A hi pfaluleni timbilu ta hina,
Wu ta nghena sweswi.

4 Tanan' vamakwerhu, hi kombela
Hosi
Ku hi rivalela milandzu ya hina,
Ni ku hi tatisa hi Moya wa yona,
Hi tirhela Yesu.

Pfukani n'wina Vapfumeri