Menu Close

Vhuhwavho hau ndi vhuhulu

Ratings:
1 Star2 Stars3 Stars4 Stars5 Stars (8 rating, 2 votes)
Loading...

Hymn #152

1. Vhuhwavho hau ndi vhuhulu,
Ndi dzivha li sa gumiho.
Ho ela hu tshi bva tadulu;
Ndi nnyi a sa vhu vhoniho?
Nne ndi vhu vhona thungo dzothe,
Ndi do di renda, thi fhidzi.
Mishumo yau yothe-yothe
Ndi tshilidzi na tshilidzi.

2. Ndi tshi bebiwa nda vha muthu
Muvhumbi a si iwe naa?
We wa di ntshimbidza nga vhuthu,
Ndi nga si U livhuhe naa?
We wa di nisa mvula dzau
Wa nkanzwa nga zwo mpfushaho;
Wa ndinda nga vharunwa vhau,
Wa ndwela kha zwi kondaho.

3. Zwihulu-hulu ndi do khoda
Vhuhwavho ho ri tshidzaho;
Wo di ntevhela, U tshi ntoda
Ndo xela, ndi a hanaho.
Wo nkunga U sa fheli mbilu,
Wo mpfuna ndi sa zwi divhi
Naho ndo ita zwa vhutsilu
A wo ngo mbalela zwivhi.

4. Zwe iwe Yesu wa nyitela
Ndi nnyi a nga zwi fhedzaho?
Mulisa wavhudi, wo fela
Dzinngu dzo balanganaho.
Wo kuvhanganya sambi lau,
Na nne wa da wa nkhwala-vho,
Wa nyisa mafuloni au,
Murunzini, nda khuda-vho.

5. Vhuhwavho hau ha maduvha
Ndi dzivha li si na u xa,
Ndi muri u ri fhaho mbuvha,
U si nga kuvhi, na u ka.
Ndi tshi pfa dora, ndi na ndala
Ndi netuluwa henefho
Ndo da ha iwe; nda takala
Ndo pfa wo nkhathutshela-vho

6. Vhuhwavho hau a vhu fheli
U bula ndi do kona-naa
Ndi tshi vho amba zwa ngei seli
Hu awedzwaho tsiwana?
Nga hu tou kuvhangana vhothe
Vho itwaho nga tshilidzi,
Ri khode zwa vhuhwavho rothe,
Na hone-vho a ri fhidzi.

Vhuhwavho hau ndi vhuhulu