Menu Close

Tlo, Moya wa Halalelang, Motshedisi

Ratings:
1 Star2 Stars3 Stars4 Stars5 Stars (No Ratings Yet)
Loading...

1. Tlo, Moya o Halalelang,
Motshedisi ya ratehang,
Tlo, o kene ho rona.
U re sitse ka tumelo,
Ka pako le boitelo;
Re nchafatswe ke wena.
Amen, amen!
Tlo ka matla, (bis) tlo kajeno
Re etele ka mohau.

2. Tlo, Moya o Halalelang,
Mobonesi ya tshepehang,
tlo, o re hlalefise;
U re khantshetse ka sedi
Le matla la Evangedi,
Fifi o le suthise.
Botle bohle
Re bo bone, (bis) le bohlale
Bo re tlale ka sebele.

3. Tlo, Moya wa Jesu Kreste,
Moalosi wa Kereke;
Tlo, o re matlafatse.
Mefokolo e ho rona
E k'e fediswe ke wena.
Ak'u re halaletse.
Toko, hloeko
Le lerato, (bis) e be tsona
Khabiso tse ntle tsa rona.

4. Tlo, Moya wa khalalelo,
Moanyesi wa tumelo,
Tlo, o re tsamaise;
E be wena ya re rutang,
Ya re hlohonolofatsang;
U fele o re buse.
Amen, amen!
Tlo ka matla, (bis) tlo kajeno,
Re etele ka mohau.

Leave a Reply

Tlo, Moya wa Halalelang, Motshedisi