O, morati ya nthatang

7.7.7.7.D.

1. O, morati ya nthatang,
Ya ikentseng motswalle
Wa pelo e tshehang,
Ngwan'eso ka sebele!
O Jesu, Jesu wa ka,
Wena, Mor'a Modimo,
Ha o mpona lefela,
U nthata ke'ng hakalo.

2. Leha o le Morena,
U hlompheha hakalo,
Ha o itlwaetsa 'na
O mokaakang mohlolo!
E, pel'a hao, Monghadi,
Dihlong dia ntshwanela;
Ha o bua, Monghadi,
Tswalo le se le fela.

3. U ntsebile ka hohle,
Bopehonyana sa ka;
Wa nthata o ntsebile,
Le jwale o sa nthata.
Leha ke o swabisa,
Ke hlwala ke koeneha,
U sebete, o mosa;
Jesu, o ntse o nthata.

4. O, Jesu ya lerato,
U ntumelle ka mehla,
Ha ho hlaha sefefo,
Ke tshabele ho wena.
Mpate ka atla tsa hao,
Fefo se be se fete,
Oho, sefubeng sa hao,
Jesu, o n'u mpoloke!

5. Ke na le uena feela,
Ha ke tshepe osele;
Kea u khomarela,
Se khathale, se ntahle,
Ke moratoana oa hao,
Nthonyana e fokolang;
Oho, se fele mohau,
'Moloki ea ratehang!