Loading...
7.7.7.7.D.
1. O, morati ea nthatang,
Ea ikentseng motsoalle
Oa pelo e tšehang,
Ngoan'eso ka sebele!
O Jesu, Jesu oa ka,
Uena, Mor'a Molimo,
Ha u mpona lefela,
U nthata ke'ng hakalo.
2. Leha u le Morena,
U hlompheha hakalo,
Ha u itloaetsa 'na
O mokaakang mohlolo!
E, pel'a hao, Monghali,
Lihlong lia ntšoanela;
Ha u bua, Monghali,
Tsoalo le se le fela.
3. U ntsebile ka hohle,
Bopehonyana sa ka;
Ua nthata u ntsebile,
Le joale u sa nthata.
Leha ke u soabisa,
Ke hloala ke koeneha,
U sebete, u mosa;
Jesu, u ntse u nthata.
4. O, Jesu ea lerato,
U ntumelle ka mehla,
Ha ho hlaha sefefo,
Ke tšabele ho uena.
Mpate ka atla tsa hao,
Fefo se be se fete,
Oho, sefubeng sa hao,
Jesu, u n'u mpoloke!
5. Ke na le uena feela,
Ha ke tšepe osele;
Kea u khomarela,
Se khathale, se ntahle,
Ke moratoana oa hao,
Nthonyana e fokolang;
Oho, se fele mohau,
'Moloki ea ratehang!