Ndzilo wa Hosi

Hi yena I'a nga ta mi khuvula hi ndzilo.

1 Vanhu la'va orhaka ndzilo,
Va twa ku kufumela,
Na vona ngi va hi byela
Leswaku wa nandziha;
Kambe ndzilo wu ta hisa
Le'swi khumbaka wona.

2 Swi tano hina vamakwerhu
Lava hi nga vaKriste;
Ku ni ndzilo wa Yehova
Lo'wu pfurhaka sweswi.
Tshinelela, tshinelela,
Wu ta hisa swa nyama.

3 Loko hi ma lava matimba
Ya ku tirhela Hosi,
A hi kombeleni ndzilo
Hi hisekela Hosi;
Wu ta pfurha, wu ta pfurha,
Wu hi pfurhisa hina.

4 A hi tshineleleni sweswi,
Hosi yi hi pfurhisa,
Hi tala ndzilo wa Moya
Moya wa Pentekosta,
Rhuma ndzilo,rhuma ndzilo,
Wena Hosi ya hina.