13.13.12.12.
1. Nakong ea selallo le pel'a mahlomola,
U 'nile ua bea see nke keng ka se tlola;
Ke mpa ke se pheta, ke be le kelello,
Ke hopole uena, Morena'a bophelo.
2. U unthobetsoe 'mele, ke robeloa bohobe,
U ntšolletsoe mali a ntlhakolelang libe,
'Me ke noa senoelong ka kholo, ka tsoho,
Ke ntse ke hopola Moren'a pholoho.
3. Na nka u lebala, Morena le Monghali,
Mofufutso oa hao, oa metsi le oa mali,
Le thakhisa tsa hao, le tsona lilelo?
Ke sa li hopola, Moren'a bophelo.
4. Ke sa li hopola, le mosa, le sebete,
Le lerato lohle la Morati oa 'nete.
Etlare ha u tla ka letlotlo la hao,
Jesu, u nkhopole le 'na ka mohau