12.10.12.10.
1 Nahathotheng, moo ke ntseng ke lelera,
Ke hopotse motseng wa tokiso;
Ha ke tshabe tshwenyo le ho khathala,
Hona lefa la ka le nkemetse. {bis}
2 Montopoldi, wena, tshepo ya batho,
U ntjarise phahlo tse nkimelang;
Motshehare, o nketsetse lesoiti;
Bosiu, lala o mponeseditse!
3 Hosasa, letsoho la hao, Morena,
Le ke 'ne le mphepe ka bohobe;
Mantsiboya o ntlose pelaelo,
U nthobatse roko bo monate!
4 Lefika la ka, metsi a khauhelo
A kwelle ho wena, a nkhodise;
Matla a moya a 'ne a nkhothatse,
Pelo ya ka e se ke ya seba! {bis}
5 Ha ke longwa ke noha ya Satane,
Ke bolawa ke lefu la dibe,
Ke lelatse mahlo a ka a matsho
Sefapanong, ke bone phodiso!{bis}
6 Mohla ho tlang qetello ya leeto,
Ke bonelang phomolo haufi,
Areka ya selekane sa hao
E mpoloke, Jordane e tletse!
7 Jo, fatshe la heso, fatshe la pallo!
Pelo e o dumedisa hole;
Ke pheela ke ntse ke hlolohetswe,
Ho fihlela ke be ke o kena.