Loading...
1. Murena, ro U gwadamela,
Dzimbilu dzo u fulufhela.
Ri khathutshele U ri fhe
Mulalo wau; u ri pfe.
2. Murena, ri pfa ro tshinyala;
Dzimbilu dzashu dzi a lwala.
U nanga I ri fhodzaho,
U ngwana yo ri felaho
3. U ri hangwele he ra pfuka;
U ri farise u sanduka,
Bvisa mbilu dzi sa vudi,
U ri vhumbele dzavhudi.
4. Ri funze u U tulutshelwa.
Ri shona nge ra di tahelwa
Lutamo lwo edanaho
Mutshidzi o ri funaho.
5. Ri kha di lila u lugiswa
Nga Muya wau, na u iswa
Kha ndila yo sumbiwaho
Nga iwe, ra I fara-vho
6. Yawee, ri do zwi kona lini?
Ri do di-nakisa nga mini?
Ndi iwe U konisaho
Vhatendi vha u tuvhaho.
7. Ri fhe vhuhali, ri di-kunde
U funa zwivhi ri hu vunde:
Ri thukhule zwi vhofhaho;
Ri vhe vhahali vha lwaho.
8. Ndi hone ri tshi do takala.
Ri vhau, mbilu dzi do lala;
U lwa hu nga si ri dine
U tshi di ima na rine.
9. Ndi dzone mbilaelo dzashu
Ro vhudza iwe mune washu.
Ipfa thabelo dzenedzi,
U ri ite nga tshilidzi.