Moya wa ka, o mamele

11.10.11.10.11.10.

1 Moya wa ka, o mamele dipina
Tse binoeng ke mangeloi sebakeng.
A bina bophelo ba lehodimo,
Moo sebe se se nang ho aha teng.
Bahlanka ba Jesu b aba thabileng,
Le khothatsa baeti ba khathetseng.

2 Le rorisa Konyana e re shoetseng.
Le boka madi a re tsholletseng;
Le re: Khanya le hlompho le borena
Di iswe ho 'Moloki ka mehla!
Bahlanka ba Jesu, le nepile,
O loketswe ke dithoko tsa 'nete.

3 Empa le 'moka sebakeng sa rona,
Ha a ka a bolaelwa lona;
Le ka bina, empa pina tsa rona
Di tla feta tsa lona ka matla.
Bahlanka ba Jesu, le ka bina;
O tla khahlwa ke tsa rona: re bana.