1. Moruo oa leholimo
O beetsoe bana
Ba hlahisoang ho Molimo
Ba tšoaeloa oona.
2. Ngoana enoa oa Adama
O tsoaletsoe libeng;
Jesu, u tle ho ama,
Mo hlatsoe selibeng.
3. Seliba ke mali a hao,
A lefang melato
Ea bohle ba tlotseng melao
Ea 'Mopi oa batho.
4. Nea ngoana eo matsatsi
Le lehlohonolo;
Mo hlekele mona fatše
Tsela e bonolo.
5. Nea ngoana eo temoho,
Etlere h'a hotse,
A lumele ka teboho
Hoba u mo thotse.
6. U ngole lebitso la hae
Bukeng ea bophelo;
Mohla a shoang, a kene hae,
A pheme timelo.