Menu Close
1 Star2 Stars3 Stars4 Stars5 Stars (8 rating, 4 votes)
Loading...

Lona ba ratang ho phela

1. Lona ba ratang ho phela
Mohlapeng oa Jesu,
Hopolang tsietsi tsa tsela
E isang ha eso. (bis)

2. Ke 'mila o mosesane
O hakang maoatla,
Le khoro e patisane,
E kenoa ka matla, (bis)

3. Nonyana li na le matlo,
Li lula monateng;
Ha ho moo hlooho ea Jesu
E ka sameloang teng. (bis)

4. Ba reng ba mo sala morao,
Ba itele pele
Ba se ke ba tšaba molao
O thapisang 'mele. (bis)

5. Ba inkele sefapano
Mahetleng a bona;
Ba tle ba shoele likano
Tsee ba leng ho tsona. (bis)

Leave a Reply

Lona ba ratang ho phela