Loading...
1. Li do vha duvha la dakalo
Mathubwa ashu o da-vho
Li do vha duvha la mulalo
Vha kule vho swikiswa-vho
Mudi wa Tsioni wo dala
Ndi hone ri tshi do takala
Ra fana na vha loraho.
Nga duvha ilo mifhululu
Maseo na dakalo fulu
Ndi zwone zwi do pfalaho.
2. Nga duvha ilo hu do rendwa
Muudzimu o zwi itaho
U do huliswa, u do tendwa
Nga vhothe vho zwi vhonaho
Na rine ri do bvumelela
Ra khoda ri tshi takalela
Zwihulwane zwo itwaho
Ro todwa he ra vha ro xela
Ro bviswa he ra tshinyalela
Na rine ro tou tshidzwa-vho.
3. Murena vha kha di vha hone
Vho thubwaho vho vhoxwaho
U nge u vhuise na vhone
Hu ande vha orowaho
Sa zwila misi tsho limuwa
Milambo yothe I tshi vuwa
Ndi iwe u I dadzaho
Na ndila dzau kha dzi dale
Magogo e ra tuvha kale
Mathubwa au a daho.
4. Li do vha duvha la mulalo
Mathupho nga a hangwiwe
Vho netiswaho nga mihwalo.
Vha swikiswe vha ruliwe
Vho tshimbilaho vha tshi lila
Vha do livhala ndodzi dzila
Dzimbofho dzo vha vhavhaho
Ro dzula ro hu tulutshelwa
Tsioni hu no do awelwa
Hayani ha vho thubwaho.