Menu Close
1 Star2 Stars3 Stars4 Stars5 Stars (No Ratings Yet)
Loading...

Letsatsi la lehlohonolo

9.8.9.8.D.

1 Letsatsi la lehlohonolo
Ke le nchabetseng kajeno;
Jwale, ke tlile ka morero
Wa ho ikana ka Jesu.
Ke amohetswe ke Morena
Chabeng sa hae sa tumelo;
Pelo ya ka e tla mo tlisa
Ho fihlela la bofelo.

2 Ke leboha Ntat'a Molemo ,
Ya mpolokileng boseeng;
O mpabaletse ka dilemo,
O mmpepile bonyengnyaneng.
E bile sedi la ka bocheng,
Molebedi le Modisa
Ya ntseng a nkhodisa bohlaleng,
Pallo tsa hae a di tiisa.

3 Jwale, ke dumetse ho Ntate
Ya matla 'ohle, ya nkentseng;
Le ho oona Moya wa 'nete,
Le ho Mor'a hae ya nchwetseng.
Ke nkile mehlala ya Jesu
Ke mo latele le ho shweng,
Ke be ke finyelle ha eso,
Boiketlong bo sa feleng.

Leave a Reply

Your email address will not be published. Required fields are marked *

L

Letsatsi la lehlohonolo