Loading...
13.12.13.12.
1.Lebitso la Jesu hase le ho rateha!
Ho 'na le monate jwale ka dinotshi.
Ke lebitsong leo ke boning ho pholoha.
Ha ho na le jwalo ka tlas'a letsatsi.
2.Ha ho le kang lona le ngalong tsa lesedi,
Ho makhotla-khotla a khanyang a sa shoeng.
Ba ntshitsweng tahlehong ba tlatse mangeloi
Ho le ntshetsa thoko tse ncha, tse sa feleng
3.Lebitso la Jesu, lona ba lopolotsweng,
Se hlajoeng ke dihlong ke ho le bolela;
Bitso la 'Moloki e motle ya le shoetseng,
Bitso la Monghadi ya le fang ho phela.
