Ke tenegile mme ke boa

Ke tenegile, mme ke boa
ka pelo e ‘ phatlogileng.
Mme ke ntse ke le yo ‘ bokoa,
ke tletse tse di sokameng.
Ke leba fela s’fapaanong
sa ‘ Jesu Kriste yo ‘ ntshwetseng.

Ke itatlhela ‘naong tsa ‘go,
ke obamela mo pelong;
ao Jesu, nka tla ka nyelela,
fa o ntlhoboga mo dibeng.
Ke bua ke le selelong:
Se ntatlhe nna yo ‘ maleong!

O kgona go mpusetsa gona,
kwa boMitshwarelo bo bonwang,
le go nkgogela kwa go ona
Modimo o ‘ obamelwang.
A ko ‘ mphodise mo moweng,
o nthuse ke tswe mo dibeng.

Mme ke boifa go latlhega,
fa ke sa ntshiwe melatong;
o intshwarele dibe tsa me,
mpofolle yo ke bofilweng!
O dire bonno mo pelong,
o mpate go ya phologong.