1. Joale, re utloile litaba
Tse tsoang ho Morena Jesu;
Rea leboha, rea li thabela,
Li re kholisa lipelo.
2. Joale, re tla bea thapelo
Ho Moea o re utloisang,
O tle o re nee tumelo,
Le pelo tse o khahlisang.
3. Leha litsebe li mametse,
Jalo li ka lula fela.
Moea, u tle, u li nosetse,
Peo e tsebe ho mela.
4. Bohle re ne re khelohetse
Tseleng e isang tahlehong;
U re hule, re u latele
Tseleng, e lebang bophelong.
5. Satane, tau e bohale,
O rata ho re timetsa.
Uk'u re sitse ka boglale,
A se hlole a re thetsa.