Menu Close

Jo, ho lefifi, Ntate

Ratings:
1 Star2 Stars3 Stars4 Stars5 Stars (No Ratings Yet)
Loading...

1 Jo, ho lefifi ntate,| 'me maru
A thibane hohle, a le matsho!
A | nts'a duma; |jo, ho tla sefefo!
Rare, o 'nenese ka | letsoho;
Ke lahlehile, nkise hae,
Nkise hae, nkise hae;
Ke 'na ngwana wa hao!

2 Le ipatile, ntate,| letsatsi;
Ke mong, ke tshohile ke tsietsi;
Ho | tetema | tshepo le tumelo.
Rare, o 'nenese ka | letsoho;
Oho, o nkise leseding,
Leseding, leseding;
Ke 'na ngwana wa hao!

3 Tsela e hole, ntate, | e hole;
Jo, ke khathetse, ke tenehile!
Nka | fihla neng, |ke bone phomolo?
Rare, o 'nenese ka | letsoho;
Oho, o nkise phomolong;
Phomolong, phomolong;
Ke 'na ngwana wa hao!

4 Tsela e thata ntate, | e thata;
E majoe a khopang, e meutlwa.
Ke | se ke le | maqeba le dillo;
Rare, o 'nenese ka | letsoho;
Oho, o nkise monateng,
Monateng, monateng;
Ke 'na ngwana wa hao!

5 Jo sefapano Ntate, | le sona
Se bohloko-hloko, sea nkimela!
Ke | se jere, | leha ho le jwalo;
Rare, o 'nenese ka | letsoho;
Ntshedise, nkise nyakallong,
Nyakallong, nyakallong;
Ke 'na ngwana wa hao!

6 Se fele pelo Ntate,| ha ke lla,
U sebete, o ntsose molota,
Le- | hodimong, | ke habe ka thabo
Rare, o 'nenese ka | letsoho;
Ke hlolohetswe, nkise hae,
Nkise hae, nkise hae;
Ke 'na ngwana wa hao!

Leave a Reply

Jo, ho lefifi, Ntate