Menu Close

Hee Muya wa dzithanzi vuwa

Ratings:
1 Star2 Stars3 Stars4 Stars5 Stars (No Ratings Yet)
Loading...

1.Hee Muya wa dzithanzi,vuwa!
Vhahali vhau nga vha bvelele!
Vha ambaho vho tou fhutuwa.
Vha linde mudi,vha huwelele.
Vha si fhumule;nga vha halifhe;
Dzitshakha dzothe dzi de dzi U pfe.

2.Mulilo wau nga u duge;
Nga vha vhe vhanzhi vha u oraho.
Vhadinda vhau nga vha luge,
Vha ye kha avho vha shengelaho.
Ri vhona mavhele o tshenaho
O anda;hu si na vha kanaho.

3.Ndi i we mune we wa ri fha
Thabelo hei,wa ri: ri ralo.
Ri divha uri U a ri pfa,
Huufha li lau le ra da nalo
Ri tshi ri:Ruma-ha vha kanaho,
Na ri re fhano,U ri rume-vho.

4.U Iise fhungo thungo dzothe
Nga thanzi dzau dzo di-fungaho
U toda vho xelaho vhothe,
Sa iwe Mune wo ri tamaho.
Muvhuso wau nga u huliswe,
Wa swina wone nga u fhedziswe.

5.Murena,vhathu vha a lwala
Mudengu wavho vha sa mu divhi,
Khee iwe U sa tou vha hwala
Nga Muya wau,vha fhole zwivhi.
Muvhuso wau ndi u konaho
U fhodza shango li tshinyalaho.

6.Murena,ruma Muya wau,
U de u tshimbidze, u funzedze
Vhaambi vha mafhungo au
Vha laye dzimbilu.U dededze
Na vhapfi vhalo,li vha laye-vho.
Nga li vhe tshedza tshi ri vhusaho.

7.Murena,vula ndila dzau
Dza Tsion,mikoto i lugiswe.
Zwi hanedzaho fungo lau
Zwi si vulee,nga zwi dzivhise.
Ri fhe vhalisa vha lisaho,
Zwivhidzo zwi vhe zwi takadzaho.

8.Na hu funzwaho vhana vhashu,
Vhothe,vhafunzi na vhafunziwa
Vha tame iwe Yesu washu,
Vha ri:Uwa!
Vhabebi vhavho vha vha lise-vho;
Ngwanyana dzau dzi U divhe-vho.

9.Ri fhe zwime ra U humbela;
Huufha ro da ri vho funzedzwaho
Nga Murwa wau we a fela
Rine na vhathu vhothe vha faho.
Na hone itali ro bula-vho
Zwe iwe Khotsi wa zwi tuvha-vho.

Hee Muya wa dzithanzi vuwa