Loading...
1.Hee mpheni ndimi dzi na dana
Na manzhi-maipfi
Ane nda imba a mbo pfana
Lwa vha luimbo lwavhudi
Lu rendaho Mune wanda,
Mufunwa wa mbilu yanga.
2.Ipfi langa li pfale kule
Li ambe zwo ntakadzaho.
Luimbo Yesu o mphulusaho.
Zwa yesu o mpfumisaho
Mashudu a sa fheliho.
3. Na iwe, muya wanga-losha,
U rabele. U imbe-vho.
Ndi hone i tshi do vha ngosha
Ya ngoho i takadzaho
Na Yesu, a sedzesaho
Mbilu dzi tshi mu renda-vho.
4.Inwi zwivhumbwa zwa Mudzimu
Khodani o ni si kaho,
Mivhundu, daka, na masimu
Rendani o ni thakhaho,
Na thavha dzinngwa dzenedzi,
Na duvha, nwedzi, naledzi.
5.Zwi tshilaho, zwi re na muya
Idani-ha ri tangane,
Ri rende Mune wa zwivhuya,
Ni mu imbele ni na nne.
Vusani nothe maipfi;
Ndi ndothe ndi zwi kona' fhi!
6.A ntodaho maduvha othe
Naa a si iwe Khotsi naa?
A ndondaho ndilani dzothe
Naa a si iwe Yesu naa?
Mune wanga wa tshilidzi,
u U livhuha thi fhidzi.
7.Ndi kanzhi-kanzhi he wa mpfusha
Vhuhwavho, vhuthu, tshilidzi
Na musi ndo wa wo di mvusa;
Ndi do di bula zwenezwi,
Nda imba lu sa gumiho
Lwa Yesu a sa ndatiho.
8.Zwihulu-hulu ndi di khoda
Muhanyisi o mpfelaho,
Mukhathutsheli we a ntoda,
A ntanzwa,nne ndo latwaho.
Naa ndi nga si mu rende naa?
9.Murena, U pfe ndi tshi ralo
Ndi kha di vha a gudaho
Zwi no do naka nga mudalo
Wa vhothe vha U rendaho.
Ndi hune nda do kona-vho
U U imbela ndi khavho.