Menu Close

Hee dzimbilu kha dzi pfane

Ratings:
1 Star2 Stars3 Stars4 Stars5 Stars (No Ratings Yet)
Loading...

1. Hee dzimbilu kha dzi pfane.
Vhathu kha ri funane
Vha Murena kha ri fhane
Zwanda kha ri konane
Nga Murena mune washu
Ene o ri felaho
E ri funane nga tshashu
Ene ri mu fune-vho.

2. Vhana vha mukhathutsheli
No zwi pfa idani-ha
Khani dzashu dzi sa fheli.
Kha dzi fhele henefha
Nga u pfana Murenani
Nga lutamo lukhethwa
Zwi tshi konda rabelani
Mbilu dzanu dzi vhe ntswa.

3. Ri mirado yawe rothe,
Naa ri nga fhambana naa?
Thoho I no vhusa vhothe
A si ene Yesu naa?
Ri vhathihi elelwani
Ngwana yo ri felaho
Ri vha thihi nga khonani
Nthihi yo ri funaho.

4. Kha ri mu tevhele rothe
Kha ri tutuwedzane
U pfa Yesu misi yothe
Vhathu kha ri funzane
U takadza Yesu washu
Kha ri pfane henefha
Mudi washu mita yashu
Nga zwi mu nakele-vho.

5. Fhungo la mufunwa washu
Kha li vhe li pfiwaho
Kha li vhe lupfumo lwashu
Lu ri vhofhekanyaho
Zwe Murena a zwi amba
Hu si vhe a hangwaho
Hu si vhe na a no lamba
Fhungo li mu layaho.

6. Mune washu wa vhuhwavho
Funza vha u funaho
Vha funane-vho nga tshavho
Ndi' we wo ri vhudzaho
We zwine nda laya zwone
Ngeyi ndaela yanga
Funanani vha ni vhone
Ni vhafunziwa vhanga

Hee dzimbilu kha dzi pfane