Loading...
1 Tsiu tsa ka tse fetileng
Nke ke ka li lata;
Ke tse ileng, ke tse ileng,
Ha li na ho khutla.
2 Li sa ile ho Molimo
Ho qosa liketso,
Lipuo, le litakatso
Tsa motho ea soto.
3 Ha ho aka ha lebaloa eng;
Mehopolo eohle
E tsejoang, ka e sa tsejoeng,
Le eona e ile
4 Tse lokileng, tse sa lokang,
Ka tse ntle le tse mpe,
Tse fositseng, tse nepileng,
Li isitsoe tsohle.
5 Ke re'ng? Li kae tsa ka tse ntle
Li kae tse lokileng?
Tsohle-tsohle ke lithole
Mahlong a hloekileng.
6 Oho, Molimo, nteselle
Libe tsena sa ka!
Jesu, 'Moloki, nkapese
Ka ho loka ha hao!
