Xana u ta ya Kwihi

1 Xana u ta ya kwihi ke?
Wa vutisiwa namuntlha.
Wa khaluta misaveni,
U ta ya, u ta ya kwihi?
U ya kwihi? u ya kwihi?
Hlawula, hlamula sweswi.

2 Van'wana va n'wi hlawula,
Yesu loy'a nga hi fela,
Va hundzuka, va pfumela,
U ta ya kwihi ke, wena?

3 Ku ni swivandla swimbirhi,
Tilo ni tiva ra ndzilo.
Ndlela i yin'we yo pona,
U ta ya kwihi ke, wena?

4 Vanhu va landza swo biha,
A va tsundzuki xidziva,
Masiku ya hundza sweswi,
Wena wa kongoma kwihi?

5 Tintswalo ti kona sweswi
Mundzuku ku ni vukarhi,
Ku lova ku le kusuhi,
Wena wa kongoma kwihi?

6 Tana, amukela Hosi,
Yi ta ku hlantswela swivi,
Yi ta ku nyika vutomi,
U ta va ni kaya tilweni.