Loading...
1. Tshililelwa, tshe wa bula
Tshe wa ri ndi tshithihi,
Mbilu yanga I di dzula
I tshi ri tshi wanwa'fhi?
Mashudu a shango
A si na mushumo
A swifhadza mbilu,
O ndzima lupfumo
Lune nda lu lila, lu tamisaho,
Mashudu vhukuma,
A pfumisaho.
2. U tshi toda shudu ilo
Haho a U neaho
E si mune wa vhutshilo
Yesu, o li bulaho.
Ndi ene tshisima
Tsha lwone lupfumo
Dakalo, vhutshilo
Vhu si na mugumo,
U kovhela vhothe
Vha humbelaho,
Ida U mu vhudze,
A U nee-vho.
3. Dzula fhasi sa Maria
Yesu a U funze-vho:
U nge ene we a dzhia
Dzanga lo nakesaho.
U dzule na Yesu
U pfane na ene,
Mbilu nga I fhise,
I tode, I dzhene
Hune fhungo lawe
Li mpfumisaho
La isa vhatendi
Vha mu tuvhaho.
4. Yesu, nne-vho ndo hulelwa,
Ndo da ndi tshi lila-vho.
U nkovhele tshililelwa
Tshe wa bula tshenetsho.
Naho vhathu vhanzhi
Vha tshi U tutshela
A thi nga U litshi,
Ndi do U tevhela
U pfana na iwe
U mphilisaho
Ndi tshone tshithihi
Tshi tamisaho.