Loading...
Potsiso ya 1:
Kgothatso e kgolo ya gago ka dinako tsohle ke eng?
Karabo:
Se se nkgothatsago ka dinako tsohle ke gore ke wa Jesu Kriste yo e lego Mopholosi wa ka.
O lefetse melato ya ka ka madi a gagwe a bolokwa,a mpholosa maatleng a Satane.
O ntlhokomela ka mehla. Le o tee wa meriri ya ka o ka se wele fase ka ntle le thato ya Tate wa magodimong.
Ka MoyaMokgethwa wa gagwe o ntshepisa gore ke na le bophelo bjo bo sa felego, gomme o dira gore ke be le maikemisetso le boineelo bja go mo phelela.
Ditemana tsa Beibele:
1 Bakorinthe 6:19-20;
Baroma 14:7-9; 1 Petro 1:18-19; Mateo 10:29-31; Baroma 8:28
Potsiso ya 2:
O swanetse go tseba eng gore o kgone go phela le go hwa o na le kgothatso ye?
Karabo:
Sa mathomo, ke swanetse go tseba bogolo bja dibe tsa ka.
Sa bobedi ke swanetse go tseba gore ke pholoswa bjang dibeng tsa ka.
Sa boraro ke swanetse go tseba gore nka leboga bjang Modimo ka lebaka la pholoso yeo.
Ditemana tsa Beibele:
Baroma 7:24-25