Loading...
1. Mbilu yanga, di-lugise
Lata zwivhi, di-nakise.
Yesu Muhanyisi wau
U sendela tsini hau.
U u vhidza u la ndilo
Ya zwiliwa zwa vhutshilo.
Zwine Khosi ya tadulu
A U nea ndi zwihulu.
2. Yesu u da sa khonani;
U nga si mu tende hani?
Na kha iwe zwo fanela
A tshi wana wo lindela
Wo mu tuvha, wo hulelwa
Vhuthu hawe, u hangwelwa.
U tshi ralo U do tshila;
Yesu u pfa vha no lila.
3. Muya wanga u na ndala,
Maanda anga o fhalala.
Thi tsha kona, nnee ndi le
Vhuswa hovhuno, ndi tshile.
Ndi nwe nga tshinwelo tshau,
Ndi pfe khathutshelo yau
I tshi nthadula muhwalo,
I tshi nyisa kha mulalo.
4. Yesu, Khosi ya mulalo!
Yesu, dzivha la dakalo!
Yesu, fulufhelo lashu!
Denzhe la dzimbilu dzashu!
Yesu, ndo U gwadamela;
Ndi pfa ndi songo fanela.
Ndi muvhi, ndi do da hani?
Ndo da nge wa ri: Idani!
5. Ndi pfa nyofho yo nkhulela;
Ndi wa zwivhi, ndi di xela.
Ndi pfa-vho ndo fulufhela;
Yesu, Ua nkhathutshela.
Ngwana ya Mudzimu, wo fa
Wa ri tanzwa nga malofha.
Ri elelwa lufu lwau
Ri tshi la zwiliwazwau.
6. Vhuswa ha vhutshilo ndiwe.
U ndugise-ha ndi fhiwe
Zwe mbilu yanga ya lila
U hangwelwa na u tshila.
Yesu mpfunze u U tuvha
Na u tama hei mbuvha
Ya vha yaho ngei tadulu
Kha tshilalelo tshihulu.