Loading...
1. Muya wa Yesu, vhusa mbilu dzashu,
U ri nakise, ri nge Mune washu;
Ri edze ene, ri vhe vhana vhawe
Na thanzi dzawe
2. Muya was tshedza, denzhe masiswini
Ri vhonetshele, ri si fe zwivhini
Ri rembuluse , ri sumbedzwe ndila
Ya u yo tshila
3. Muya wa maanda ri ite vhahali
Vha sa humiho. U ri fhe vhutali,
Ri lwe na swina na zwikhukhuliso,
Ri fune Yesu
4. U ri fhumudze, Muya wa dakalo.
Shango li fhura nga zwivhuya zwalo.
Zwau ndi zwinzhi, zwau ndi zwihulu,
Ndi zwa tadulu
5. Ri rabelise, U Mulomo washu;
U ri funzedze, isa mbilu dzashu
Tsini ha Yesu, hune dza di rudzwa
Dza di fhumudzwa
6. U di ri vhusa, Muya wa mulalo.
Shango li lale, hu fe dzinndwa dzalo
Ri vha vhulenda, rothe ri tshi pfana,
Ri tshi konana.
7. Muya wa Yesu, U di ri endedza
U ri swikise hayani ha tshedza.
Ra vha na iwe, ri do wela seli
A ri nga xeli