Loading...
1.Kha ri ye u rabela!
Kha ri ye u imbela
Murena,Mune washu.
Muvhavhaleli washu.
2.Ro fhedza nwaha wothe
Ro di londolwa rothe.
Vhonani.ri tshee hone,
Ro lindwa zwone-zwone.
3.Mutungu o ri wela,
Milingo yo ri dela.
Na nyofho dzo ri dzhena;
Ra lwelwa nga Murena.
4.O ita sa mme-ashu,
We e muleli washu
A di ri tshireledza,
A tshi ri kuvhatedza.
5.Ndi zwe a ita hothe
Na nga maduvha othe.
Ho tonda tshanda tshawe;
Ro vha ri vhana vhawe.
6.Murena,Mune washu,
U vhushavhelo hashu,
U dzivha la dakalo,
La maanda na mulalo.
7.Ri U livhuha riothe
Zwe wa ri ita zwothe.
Ri khoda maanda au,
Ri renda vhuthu hau.
8.Ri pfe, ri tshi humbela;
U di ri vhavhalela;
Ri vhuse,U ri lwele,
Ri linde,ri si xela.
9.U ri fhe vhuswa hashu;
Takadza mbilu dzashu;
Thivela dzinndwa dzothe,
Hu lale shango lothe.
10.Na kha mishumo yashu
Na kha dzindila dzashu
U thakhe vhana vhau
Nga phathutshedzo yau.
11.Vhahedana vha londe,
Zwisiwana zwi tonde.
Vhashai vha kovhele,
Vhatoma u vha lele.
12.U onge-vho vhalwadze,
Vhalili vha takadze,
Vho hwalaho vha rule;
Muthupho a vhe kule.
13.Vhaneti vha khwathise.
Vhaxeli vha humise.
Zwikhuliso zwothe
U zwi fhedzise tshothe.
14.Murena,U tshi ralo
Ri do vha na mulalo.
Ri do takala rothe
Nga nwaha muswa wothe.
15.Tshihulwane kha zwothe
Ri ri:Ri tshidze rothe;
Ri tshie phanda hau,
Ri fe ri vhana vhau.
16.Murna,hezwi zwothe
Ri zwi humbela rothe
Nge ra vha vhana vhau
Nga Yesu Murwa wau.