Loading...
1 We makwerhu, tana swoswi,
Eka Hosi ya wena;
Wa ku rhandza, Muhanyisi,
Tana swoswi 'ka yena.
Tana swoswi, tana swoswi,
Tana 'ka yona Hosi.
2 Kasi wa ha tsendzeleka
Kule na ye Muferi,
Ku tipfuna wa tsandzeka,
Tana ke, u nga hlweri.
3 Amukela Mukutsuri,
Hatlisa u tshinela;
Swidyohweni u nge rhuli,
Tana ke, u pfumela.
4 Tisa ni swidyoho swa ku,
Tana ke, nakulori,
Tshemba Hosi, hi leswaku
Yi ta tirha mahlori.
5 U ta kuma swo nandziha,
Hosi yi ta hlangula
Swidyoho ni le'swo biha,
Yi va yi ku kutsula.