THAPELO

Potsiso ya 116:
Ke ka lebaka la eng ge bakriste ba swanetse go rapela?

Karabo:
Ke ka lebaka la gore thapelo ke karolo e kgolo ya tebogo yeo Modimo a e nyakago go rena.
Go feta mo Modimo o rata go nea dimpho tsa gagwe(e lego kgaugelo ya gagwe le MoyaMokgethwa)go bao fela ba ba di kgopelago go Yena ka mehla.

Ditemana tsa Baibele :
Psalme 32:6,
1 Bathess:5;16-18, Luka 11:9-13

Potsiso ya 117:
Thapelo ye e kgahlago Modimo ke thapelo e bjang?

Karabo:
Sa mathomo, re rapele ka pelo yohle gomme re rapele Modimo wa nnete a nnosi fela.
Sa bobedi, re ikokobetse pele ga gagwe, re bone tlalelo ya rena le molato wa rena.
Sa boraro, re tshepe gore o tla kwa dithapelo tse rena ka lebaka la Kriste.

Ditemana tsa Beibele:1 Johane 5:14-15,
2 Koronika 7:14; Johane 14:13-14

Potsiso ya 118:
Modimo o re laetse gore re kgopele eng go Yena?

Karabo:
Tsohle tse re di hlokago, e ka ba tsa nama e ka ba tsa moya tseo Morena Jesu a di bolelago thapelong yeo a re rutilego yona.

Potsiso ya 119:
Thapelo ya Morena e reng?

Karabo:
Tataweso wa magodimong Leina la gago a le kgethwe Mmuso wa gago a o tle
Thato ya gago e dirwe lefaseng bjalo ka ge e dirwa lwgodimong
O re fe lehono bogobe bja rena bja ka menhla
O re lebalele melato ya rena bjalo ka ge re lebabalela ba ba nago le melato go rena
O se re ise molekong, eupsa o re pholose bobeng Gobane mmuso ke wa gago, le maatla, le tumiso, ka go sa felego.
Amane.