(18 rating, 5 votes)
Loading...
1. Utloa sefefo sa moea
Le ho luma ha sona!
Tsoha, re se re timela,
Re pholose, Morena!
Jo, lillo ha li mo tsose;
O sa ntse a robetse,
'Me sekepe se tebile;
Jesu, utloa thapelo!
A khalemela leoatle:
Khutsa hle!
Sefefo sa ba sa thola;
Khothalang! (bis)
Ruri, Jesu ke Morena,
Khothalang!
2. Morena, metsi a matla
A meleko a luma,
A patella pelo ea ka,
Ke tebela ho 'ona.
Mahlomoleng a makalo
Ke tla hoeletsa ho mang?
Ke bitsa ho uena, Jesu,
Uena thuso ea ba llang.
A khalemela leoatle: …
3. Ahe, maru a qhalane,
Letsatsi le chabile,
'Me pelo ea ka e bone
Pholoso ea Morena!
Ke bea bophelo ba ka
Matsohong a hao, Jesu;
U mphelehetse ka mehla
Le ka tsatsi la lefu.
A khalemela leoatle: …