Tsietsing tsa letsoalo

7.6.7.6.D.

1 Tsietsing tsa letsoalo – Ke bitsa ho uena
U mamele thapelo, – U nkutloe, Morena
Lentsoe la ka le fihle – Tulong ea mohau,
A le ke le finyelle – Halalelong sa hao.

2 Hoja u ka re balla – Melato ea rona.
Re ke ke ra phonyoha – Pel'a hao, Morena.
Empa bohale ba hao – leha bo ka tota,
Bo tingoa ke mohau – Ha re sokoloha.

3 Ke tšepile Morena – Har'a litlokotsi,
Ke talima ho eena – Le har'a likotsi,
Ke labella leseli – Bitšong ba tsietsi,
Ho feta balebeli – Ba rakang letsatsi.

4 A re tšepeng Morena, – O tla re tšelisa;
Mohau o tsoa ho eena, – O tla re phelisa.
Libeng tsa rona tsohle – oa re namolela.
Le matšoenyehong 'ohle – O tla re lokolla.