Loading...
8.6.8.6.D.
1. Tlong, baahi ba Lesotho
Tlong tlung ea thapelo
Ho tla rorisa lebitso
La Mong'a melemo,
Mong'a lipula le maru,
Letsatsi le meea,
Ea ikhathatsang ka batho
Ho ba fepa lijo!
O loketsoe ke teboho
Molimo ona oa rona;
O hl'o bokoe, o rorisoe,
'Maballi oa rona!
Amen! Amen!
2. Efela re sebelitse
Masimong a rona;
Re lemile, re khobotse,
Ra bar a hlahola.
Empa re ke ke ra bala
Mofufuts'oa rona.
Ho sebelitse Morena,
Ra kenella fela.
O loketse ke teboho, …
3. Joale lisiu li tletse,
Re na le nala hae,
Re tla ja le ho apara,
Re rue ntho tsohle.
'Me le 'ona mofutsana
Re a ele hloko,
Hoba, ha re a baballa,
Re thusa Molimo.
O loketse ke teboho, …
4. Re mpa re kopa, Morena,
Re re, u re rute
Hore re se bee pelo
Ruong la lefatše.
Lintho tsohle lia feta
Tsa lefatše lena;
Re rue, e sa le joale,
Tse se nang ho fela!
O loketse ke teboho, …