(28 rating, 8 votes)
Loading...
8.6.8.6.8.6.
1. O, mohau oa Molimo
Ke koetsa e kaakang!
E ka ba ofe molomo
O ka o bolelang?
'Na, esale o mphihlela,
Ke maketse fela!
2. Molimo o n'o mphumane
Tseleng ea tahleho,
Tsa lefatše li ntahile,
Ke felile kutlo;
Ke pheella, ke mathela
Bosaooana fela.
3. Ke busoa ke litakatso
Tse jang pelo ea ka;
Li mpofile, ke le mofo,
Ke hola le tsona.
Ke ne ke se na ho hana
Leha li mpolaea.
4. Jo, motho ea thotofetseng,
Ea shoeleng le mahlo,
Ka mathela boreleling,
Lintšing tsa selomo.
Jo 'na, ke ne ke mo soma
Ea reng oa ntemosa!
5. Ke ha Jesu a mphallela
Ka mohau oa hae;
Hoja a ntlohetse fela,
Na nka be ke le kae?
A phakisa a ntlhoibila,
A ntšoara, ka phela.
6. Ke ha a mpusetsa tseleng,
A 'nea le kutlo,
A khaola tse ntlamileng,
A mpha le bophelo;
Ka utloa ke fetohile,
'Me ke pholohile.