Ntate, lerato la hao le lekaakang

1. Ntate, lerato la hao le lekaakang!
Le ntšithabetsa kutlo, ke le ntlhollang;
Le ntletse pelo, le khaphatsehile,
Leme la ka le mpa le rarehile.
Ke mang ea ka bolelang …
Lerato le hlollang,
Rato la Molimo
Le bolokang?

2. Ha ke eme ka ho tsota maoatle,
Maliba-liba a teng a bilohang,
Rare, lerato la hao le hosele,
Boliba boo hase bo ka lekanngoang.
Ke mang ea ka bolelang …

3. Ke lelala ke boha leholimo,
Ho phatlalla, ho phahama ha lona;
Se mpang se ntimeletsa mehopolo
E nts'e le lerato la hao, Morena.
Ke mang ea ka bolelang …

4. E, le ikhurumetseng lifahleho,
Lona ba leholimong, bakhethehi,
Ha le hloelisa koetsa ea lerato
Le sa tsejoeng botebo le moeli.
Ke mang ea ka bolelang …

5. Binang lerato la hae le mohlolo;
E, Molimo o ratile molibe;
'Me molibe ea ratiloeng hakalo
Ke 'na, e, ke 'na ka sebele-bele.
Ke mang ea ka bolelang …