(10 rating, 3 votes)
Loading...
1. Ntataise, Molisa ea Molemo,
Ke lesea le tetemang la hao.
Ke ea qala tsela ea leholimo,
E moepa, e ebisang mahlo.
Ruri sela e moepa,
E okamelang lilomo;
Empa phello ea eona ke leholimong,
Khotsong, thabong, le phomolong.
2. Se khathale ke 'na, Molisa oa ka,
Se khoboheloe ke ho oa ha ka.
Nkhauhele, u n'u ntsose ka mosa,
Le ho mpepa leha ke khathala.
Ruri tsela e moepa, …
3. Leha ke khahlana le libatana
'Nee pelo e kang ea senatla.
Ha ke rate ho baloa le makoala
A tla koalloa kantle, a tebeloe.
Ruri tsela e moepa, …
4. Ha u bona ke qhitsa mofufutso,
Molis'a ka, u ntlhakole mahlo.
Kea tseba: ba baletsoeng moputso
Ke bona ba etsang ka tiisetso.
Ruri tsela e moepa, …