Ke thaba ha ke batla

10.10.10.10.

1. Ke thaba ha ke bala Bibeleng,
Tsa Molisa oa ka ea mpatlileng;
fela ke re, lerato le hlollang
La Jesu ke tla le leboha ka'ng?

2. Leha ke ntse ke mo khelohela,
Rato la hae le ntse le mphallela;
hleka le re, nka hanella bobeng,
Ha ke utloa kamoo a nthatileng?

3. Jo, rato la Jesu le makatsang!
O sa nthata, 'na ea mo khathatsang!
Leha libe li ntse li nkatela,
O nts'a re: Tlo, ke tla u tšoarela!

4. Leha nka lla, ka utloa bohloko,
Ha ho na se ka ntšelisang pelo,
Ha e se ha ke ntse ke nahana
Boholo ba rato la hae ho 'na.

5. Fatšeng le tlang, ha nka finyella hae,
Ha ke 'mona bokhabaneng ba hae,
Ke tla bina le ba lopolotsoeng
Rato leo la hae le ntlholetseng.