Loading...
1. Jesu o rapella sechaba
Setulong sa bonamolo;
Ea re mamelang ka ho thaba,
Ea re kopelang bophelo;
Maholimong, ngalong ea khanya
O nyolohetse ka hlolo;
A bea mali a ho fenya
Aletareng ea tefello.
2. Jesu o rapella phutheho:
Rato la hae le lekaakang!
O re batlela polokeho
Ho Molimo o hloekileng.
Ka matsoho a re hlabetsoeng
O re qobela likotlo,
Likotlo tsee re li baketsoeng
Ke libe le ke litlolo.
3. Jesu o rapela ka mehla,
O re rapella selutse;
Leha Satane a le matla.
Khale Jesu a mo hlotse.
Fatše ha le ka re sokela,
Leha sera se ka rora,
Ha ho na'ng: Jesu oa rapela,
Re leseng ho belaela.