Jehova, mo tsamaise

1. Jehova, mo tsamaise
Ngoan'a hao ea sepelang
Ke phaila ke tsietsoe
Tseleng moo ke hlahlathang.
Jehova, (bis)
Ntate, ke u tšepile. (bis)

2. Ntate, u se fele pelo
Ha ke ntse ke kheloha;
Ho lefifi, ha se booma,
Ke timelloa ke tsela.
Jehova, (bis)
Se lese ho ntsamaisa! (bis)

3. Leha ke khoehla mangole,
Ke pheela, ke khasa;
Ba heso, ba ntšiile bohle,
Na nka lahloa ke uena?
Jehova, (bis)
U ntlheke u ntse u mpepa. (bis)

4. Lira ke li sheba mahlong,
Ke tšeha litsietsi;
Ha ho tšabo, ha ho lihlong,
U ho 'na, ha ke 'notši;
Jehova, (bis)
U se khaohane le 'na. (bis)

5. Ha ke tšela noka e ntšo,
Ke nyahama, ke teba,
U mpalamise maqhubu,
U ntšike ka liatla;
Jehova, (bis)
U mphihlise ha hao le 'na. (bis)